Stafrænt skilavottorð ökutækja
Rafrænt ferli á skilum og afskráningu ökutækja
Ferlið við að skila ökutæki til úrvinnslu er nú orðið rafrænt og sjálfvirkt í stað þess að eigendur þurfi að fara milli staða og stofnana með pappírsgögn og númeraplötur. Rafrænt ferli á skilum og afskráningu ökutækja er eitt skref í áttina að umhverfisvænni stjórnsýslu, einföldun í viðskiptum og auknum áreiðanleika. Verkefnið var samstarfsverkefni Úrvinnslusjóðs, Stafræns Íslands, Samgöngustofu og Fjársýslu ríkisins.
Nýja ferlið:
- Eigandi skila ökutæki til móttökustöðvar
- Viðkomandi móttökustöð staðfestir móttöku ökutækisins
- Ökutækið er sjálfkrafa afskráð hjá Samgöngustofu
- Fjársýslan endurgreiðir skilagjald til eigenda
https://island.is/skilavottord
Enn er tekið á móti ökutækjum með eldra fyrirkomulagi og verður svo um nokkurn tíma, meðan unnið er að innleiðingu rafrænna skila.