Ökutæki
Skráður eigandi gjaldskylds ökutækis skal á hverju gjaldtímabili greiða úrvinnslugjald að fjárhæð 350 kr. fyrir hvert gjaldskylt ökutæki sitt , samtals 700 kr. á ári.
Gjaldið er innheimt með bifreiðagjaldi.
Úrvinnslugjald er innheimt af bifreiðum þó að númer hafi verið lögð inn en ekki gengið frá afskráningu. Þess vegna þarf að ganga frá afskráningu bifreiðar hjá skoðunarstöðvum eða Umferðarstofu til að fá gjaldið fellt niður.
Bifreiðar sem eru undanþegnar bifreiðagjaldi skv. 4. gr. laga um bifreiðagjald eru líka gjaldskyldar.
Gjaldskylda fellur niður frá og með upphafi fyrsta gjaldtímabils eftir að greitt hefur verið úrvinnslugjald af ökutækinu í full 15 ár og fyrir bifreiðar sem eru eldri en 25 ára í upphafi gjaldárs.
Skilagjald á ökutæki:
Greiða skal skilagjald, 15.000 kr., hverjum þeim sem afhendir gjaldskylt ökutæki til móttökustöðvar til endurnýtingar eða endanlegrar förgunar, enda hafi ökutækið verið afskráð og úrvinnslugjald greitt a.m.k. einu sinni af viðkomandi ökutæki. Ökutæki sem eru skráð fyrir 1980 falla ekki undir kerfið enda hefur aldrei verið greitt af þeim úrvinnslugjald.
Hvert á að skila?
Tvær leiðir eru til að fá skilagjald af ökutækjum:
Listi yfir móttökustöðvar fyrirökutæki er í endurskoðun. Vinsamlegast hafið samband við viðkomandi sveitarfélag/móttökustöð til að fá upplýsingar áður en farið er með ökutækið.
