Hjólbarðar
Úrvinnslugjald er lagt á hjólbarða sem fluttir eru til landsins hvort sem þeir eru nýir eða sólaðir, stakir eða sem hluti af ökutækjum.
Úrvinnslugjaldið er notað til að greiða fyrir meðhöndlun hjólbarða, förgun eða endurnýtingu, eftir að notkun á þeim lýkur.
Einstaklingar og fyrirtæki geta því skilað hjólbörðum til móttöku- eða söfnunarstöðva sveitarfélaga án þess að greiða sérstakt gjald fyrir eyðingu eða förgun þeirra.
Úrvinnslugjald er ákveðin fjárhæð fyrir hvert kíló hjólbarða sem fluttir eru inn.
Sjá nánar um fjárhæðir í lögum um úrvinnslugjald hér.
Þegar um innflutt ökutæki á hjólbörðum er að ræða er lagt gjald á ökutækið og er það mjög mismunandi eftir gerð þess enda hjólbarðarnir mjög mismunandi að þyngd.
Hvernig er úrvinnslan?
Í skilmálum um endurnýtingu hjólbarða, sem gefnir voru út í júlí 2006, í kafla 3.2.3., er fjallað um notkun hjólbarða sem byggingarefni á urðunarstöðum. Umhverfisstofnun hefur nú gefið út reglur/leiðbeiningar um slíka notkun, sjá hér. Til þess að endurgjald Úrvinnslusjóðs fáist greitt skal liggja fyrir samþykki Umhverfisstofnunar áður en framkvæmd hefst. Umhverfisstofnun setur skilyrði um fyrirliggjandi gögn og upplýsingar vegna slíks samþykkis.
Stjórn Úrvinnslusjóðs hefur ákveðið hvernig háttað skuli söfnun og förgun notaðra hjólbarða. Hægt er að skila hjólbörðum á gámastöðvar eða sorpmóttökur sveitarfélaganna. Úrvinnslusjóður gerir síðan samninga við fyrirtæki sem vilja taka að sér að safna saman hjólbörðum frá þessum stöðum og koma þeim til endurvinnslu eða endurnýtingar hjá þriðja aðila í samræmi við lög og reglur sem gilda um ráðstöfun notaðra hjólbarða. Helstu ráðstöfunarleiðir hjólbarða eru endurvinnsla í formi sólningar, endurvinnsla erlendis og brennsla með orkunýtingu.
Gögn fyrir þjónustu- og ráðstöfunaraðila:
Umsóknareyðublöð og samningsform
Greiðslur:
Allar upplýsingar um greiðslur Úrvinnslusjóðs eru í skilagreinaforminu. Til þess að tryggja rétta verðskrá er nauðsynlegt að sækja nýjasta formið áður en reikningur er gerður.
Upplýsingar um greiðslur og skilagreinaform með innbyggðum verðskrám er að finna hér.